Daan libong katao nakitaan ng COVID symptoms sa North Korea

Nakapagtala na ng isang nasawi sa North Korea dahil sa COVID-19.

Ayon sa ulat ng state news agency ng North Korea na KCNA, nasa 350,000 na katao ang nakitaan ng sintomas gaya ng pagkakaroon ng lagnat.

Sa nasabing bilang, 187,800 na pasyente ang nasa isolation at ginagamot.

Wala namang malinaw na datos kung ilan sa mga ito ang nagpositibo sa COVID-19.

Nakapagtala din ng anim na kataong nasawi matapos makitaan ng sintomas ng lagnat.

Isa sa kanila ang kumpirmadong tinamaan ng Omicron variant ng COVID-19. (DDC)