5 lugar sa Metro Manila walang naitalang bagong kaso ng COVID-19

Apat na lungsod at isang munisipalidad sa Metro Manila ang nakapagtala ng zero COVID kahapon, May 4, 2022.

Sa datos mula sa OCTA Research, walang bagong kaso ng COVID-19 sa Marikina, Muntinlupa, Navotas, Valenzuela at Pateros.

Nakapagtala naman ng tig-isang bagong kaso lamang ng sakit sa Malabon at Mandaluyong.

Habang tig-dalawang kaso ang naitala sa San Juan at Taguig.

Tatlong bagong kaso ng COVID-19 ang naitala sa Caloocan, at tig-limang kaso sa Parañaque at Quezon City.

Tigwa-walong kaso naman ang naitala sa Pasay, Pasig at Makati.

Habang sa lungsod ng Maynila, sampung bagong kaso ng COVID-19 ang naitala. (DDC)