PNP nagtaas na ng full alert; red alert iiral naman sa AFP simula sa Biyernes
Naka-full alert na ang Philippine National Police (PNP) bilang paghahanda sa May 9 national and local elections.
Ayon kay PNP spokesperson Police Colonel Jean Fajardo, epektibo ang full alert sa PNP 6:00 ng umaga ng Miyerkules, May 4.
Ayon naman kay AFP chief of staff General Andres Centino, simula sa Biyernes itataas na ang red alert sa hanay ng sandatahang lakas.
Kapwa naman tiniyak nina PNP chief Police General Dionardo Carlos at ni Centino na walang beripikadong banta na may kaugnayan sa idaraos na eleksyon.
Hanggang noong May 3, sinabi ni Carlos na umabot pa lamang sa 13 ang naitatalang election related incidents. (DDC)
