Unang flights na umalis at lumapag sa bagong passenger terminal ng Clark International Airport binigyan ng water cannon salute
Nagdaos ng ceremonial water cannon salute para sa mga unang flights na umalis at lumapag sa bagong passenger terminal ng Clark International Airport (CRK).
Ngayong Lunes, May 2 ganap na nagbukas ang operasyon ng bagong passenger terminal sa naturang paliparan.
Binigyan ng water cannon salute ang unang flights na umalis at lumapag sa terminal kabilang ang mga flight ng Jetstar Asia at Cebu Pacific Air.
Ang bagong CRK Terminal ay ino-operate ng Luzon International Premiere Airport Development (LIPAD) Corp.
Joint project ito ng Department of Transportation – Philippines (DOTr) at ng Bases Conversion and Development Authority. (DDC)
