Tatlo patay sa banggaan ng tatlong sasakyan sa Baguio City
Tatlong katao ang nasawi habang lima pa ang sugatan sa aksidenteng kinasangkutan ng tatlong sasakyan sa Baguio City.
Nangyari ang aksidente Biyernes (Apr. 29) ng umaga sa Asin Road Suello Village sangkot ang isang taxi, passenger van at container van.
Ayo sa Baguio City Public Information Office, kabilang sa nasawi ang isang anim na taong gulang na batang lalaki.
Ang dalawa sa mga nasawi ay kapwa lulan ng container van.
Batay sa imbestigasyon ng pulisya, binangga ng container van ang likurang bahagi ng pampasaherong van dahilan para mawalan ito ng kontrol at sumalpok sa concrete wall.
Naisugod pa sa Baguio General Hospital and Medical Center (BGHMC) ang mga biktima pero ang bata na kabilang sa anim na sakay ng van ay pumanaw. (DDC)
