PMA itinangging may ini-endorso silang presidential candidate
Itinanggi ng Philippine Medical Association (PMA) ang lumabas na mga balita na may ini-endorsong kandidato ang grupo para sa presidential elections.
Sa pahayag na nilagdaan nina PMA President Benito Atienza at PMA Secretary General Realiza Henson, sinabing walang ini-endorso o sinusuportahang kandidato ang PMA.
Wala din aniyang intensyon ang PMA na mag-endorso ng kahit na sinong kandidato para sa nalalapit na eleksyon.
Sa news article ng isang pahayagan, sinabing mayroong 55 malalaking grupo na nag-endorso kay Manila Mayor Isko Moreno.
Kasama sa mga binanggit na grupo ay ang PMA.
Hiniling ng PMA sa mga news organization at social media companies na burahin ang mga news item na nagsasabing inendorso ng PMA ang kandidatura ng isang presidential aspirant. (DDC)
