Bata patay makaraang ilang ulit ihampas sa semento ng sariling ama
Isang 7 taong gulang na batang lalaki ang nasawi matapos ilang ulit ihampas sa sementadong kalsada ng sarili niyang ama na lango sa ipinagbabawal na gamot.
Nangyari ang insidente sa Brgy. San Isidro sa Rodriguez, Rizal.
Sa kuha ng CCTV makikitang ang hubo’t hubad na ama bitbit ang anak.
Pagkatapos ay ilang ulit nya itong inihampas sa semento.
Sumaklolo ang mga kapitbahay para agawin ang bata pero ayon sa isa sa mga pumigil sa suspek, wala nang malay ang bata nang makuha nya sa ama.
Dinalanpa sa ospital ang bata pero idineklara dead on arrival.
Ang suspek naman ay nahuli matapos gulphin ng taumbayan.
Ayon kay Police Lt. Col. Marcelino Pipo ng Rodriguez Police ang suspek ay dati nang may rekord sa kasong may kaugnayan sa ilegal na droga.
Naisailalim pa sa inquest proceedings ang suspek pero nang maibalik ito sa presinto ay pinag-uuntog umano niya ang sarili sa pader ng kulungan dahilan para sya ay pumanaw.
