Flash mobs, pamamahagi ng flyers ipinagbawal sa loob ng Alabang Town Center

Naglabas ng abiso ang pamunuan ng Alabang Town Center hinggil sa pagsasagawa ng mga promotional activities sa loob ng mall.

Sa pahayag, sinabi ng ATC na para mapanatili ang pagkakaroon ng “peacefull visit” sa lahat ng mallgoers, ipinagbabawal ang pamamahagi ng flyers, flash mobs, at malalakas na pagsigaw sa mall premises.

Para sa mga nais magsagawa ng kahalintulad na aktibidad, sinabi ng ATC na kailangan munang humingi ng consent mula sa management ng mall.

Humingi naman ng pang-unawa sa publiko ang ATC sa pagpapatupad ng nasabing polisiya. (DDC)