2 patay, 3 sugatan sa sunog sa Las Piñas City

Dalawa ang nasawi sa sunog na naganap sa Talon Tres, Las Piñas City, Huwebes (Apr. 28) ng madaling araw.

Ayon sa Bureau of Fire Protection (BFP) nagsimula ang sunog pasa alas 2:00 ng madaling araw na itinaas sa first alarm.

Naapula ang apoy 4:02 ng umaga.

Kinilala ng BFP ang mga nasawi na sina Angelita Supilanas, 44 anyos at Dargie Supilanas, 12 anyos.

Natagpuan ang katawan ng dalawa malapit sa CR ng kanilang nasunog na bahay.

Mayroon ding tatlong nasugatan.

Umabot sa limang pamilya ang nawalan ng tirahan dahil sa nasabing insidente. (DDC)