Apat patay, 15 sugatan sa pagguho ng Clarin Bridge sa Loay, Bohol

Apat na ang kumpirmadong nasawi habang labinglima pa ang sugatan nang gumuho ang lumang Clarin Bridge sa Loboc River sa Loay, Bohol.

Ayon kay Bohol Gov. Arthur Yap, sa datos ng mga otoridad, labingdalawang sasakyan ang nahulog sa Loboc River nang mangyari ang insidente 4:18 ng hapon ng Miyerkules (Apr. 27).

Sampu hanggang labinglimang divers ang agad nagtulung-tulong para mahanap ang mga sasakyan at mailigtas ang mga biktima.

Sinabi ni Yap na mayroon nang nailigtas na dalawampu na sakay ng mga nahulog na sasakyan.

Kinakapanayam na din sila para malaman kung ilan ang lahat ng lulan ng mga nahulog sasakyan, at prayoridad aniya na makuha ang lahat ng posibleng biktima.

Nagpasalamat naman si Yap sa lahat ng mga tumutulong sa operasyon. (DDC)