Batas na lilikha sa Office of the Judiciary Marshals nilagdaan ni Pangulong Duterte

Pinirmahan na ni Pangulong Rodrigo Duterte ang batas na lilikha sa Office of the Judiciary Marshals.

Ayon kay ating presidential spokesperson Martin Andanar, nilagdaan ng pangulo bilang ganap na batas ang republic Act No. 11691.

Sa ilalim ng nasabing batas, lilikhain ang Office of the Judiciary Marshals sa ilalim ng kontrol at superbisyon ng Korte Suprema sa pamamagitan ng Office of the Court Administrator.

Magiging tungkulin ng Office of the Judiciary Marshals ang pagtitiyak ng seguridad, kaligtasan, at proteksyon ng mga miyembro, opisyal at tauhan ng Hudikatura.

Kasama rin sa responsibilidad nito ang pagtityak ng integridad ng mga korte at ng mga idinaraos na proceedings. (DDC)