Lacson-Sotto maaring hindi na makadalo sa Comelec debates
Dahil sa biglang pagbabago sa schedule maaring hindi na makadalo sa Comelec debates sina Senator Panfilo Lacson at Senate President Tito Sotto III.
May mga naka-schedule na kasing engagements ang dalawa para sa final stretch ng kampanya.
Ayon kay Sotto, dapat ay tuluyan nang ikansela ng Comelec ang debate sa halip na ilipat sa ibang petsa.
Una nang sinabi ng Comelec na ang debate na dapat gagawin ng Apr. 23 at Apr 24 ay sa Apr. 30 at May 1 na lamang idaraos.
Sinabi ni Sotto na hindi naman nila maaring basta-basta na lamang kanselahin ang kanilang mga schedule para makapag-adjust sa bagong debate schedule ng Comelec. (DDC)
