Orihinal na spare parts para sa mga tren ng MRT-3 dumating na sa depot
Dumating na sa MRT-3 depot ang mga orihinal na spare parts ng mga tren na gagamitin para sa overhauling ng mga bagon.
Ang mga spare parts ay binubuo ng 40 piraso na wheel hub, na bahagi ng wheel assembly na sumusuporta sa bigat ng bagon.
Ayon sa pahayag ng MRT-3, mahalaga ang nasabing bahagi para sa ligtas na pagpapatakbo ng mga tren.
Sa kasalukuyan, nasa 51 na ang mga bagon na natapos ma-overhaul ng maintenance provider ng MRT-3.
Mayroon 21 na lamang ang sumasailalim sa overhauling. (DDC)
