Carla Abellana magsasampa ng kaso laban sa isang brand na hindi otorisadong ginamit ang kaniyang larawan

Magsasampa ng kaso ang aktres na si Carla Abellana laban sa isang brand na ginagamit ang kaniyang mga larawan sa kanilang advertisements.

Sa kaniyang post sa Instagram story, nagbabala si Carla sa kaniyang fans laban sa isang brand na hindi otorisadong ginagamit ang kaniyang larawan para sa kanilang slimming product.

Ayon sa aktres, hindi niya kanilan man inindorso ang nasabing brand at hindi niya rin ito ginagamit.

Sinabi ni Abellana na hiniling na niya sa may-ari ng nasabing page na alisin ang ads gamit ang kaniyang larawan pero hindi ito tumutugon.

Dahil dito, sinabi ni Abellana na gagawa na siya ng legal na hakbang laban sa nasa likod ng pekeng advertisement. (DDC)