Aplikasyon sa scholarship program ng OWWA para mga anak ng OFW na taga Cordillera binuksan na

Bukas na para sa mga aplikante ang scholarship program ng Overseas Workers Welfare Administration (OWWA) para sa mga college students na anak ng mga Overseas Filipino Workers na taga- Cordillera Administrative Region (CAR).

Ang application period ay tatagal hanggang sa August 15, 2022.

Sa ilalim ng OFW Dependents Scholarship Program (ODSP), bibigyan ng financial assisrance na P20,000 kada academic year ang mga eligible dependents ng active OWWA members na ang suweldo ay mas mababa sa $600.

Maaring mag-apply ang anak ng aktibong OWWA member o kapatid ng single na OWWA member kung sila ay:
– incoming freshmen (1st year college)
– not more than 21 years old

Puwede ring mag-apply ang mga enrolled na sa 2nd year to 5th year sa kolehiyo basta’t sila ay single at not more than 30 years old. (DDC)