Ambassador ng Pilipinas sa China na si Chito Sta. Romana, pumanaw na

Pumanaw ang ambassador ng Pilipinas sa China na si Jose Santiago “Chito” Sta. Romana.

Kinumpirma ito ng Department of Foreign Affairs (DFA) kasabay ng pagpapaabot ng pakikiramay sa mga naulila ni Sta. Romana.

Ayon sa pahayag ng DFA, nakikipag-ugnayan na ang Philippine Embassy sa Beijing sa mga otoridad ng China para sa mabilis na repatriation ng mga labi ni Ambassador Sta. Romana.

Si Sta. Romana ay hinirang bilang Philippine Ambassador to China noong December 2016.

Sa ilalim ng kaniyang panunungkulan sa puwesto, yumabong pa at tumibay ang Philippine-China relations.

“We honor his important legacy of selfless service to the Filipino in the most challenging foreign post”, ayon sa DFA. (DDC)