15 nasawi, 33 sugatan sa nakalipas na paggunita ng Holy Week – NDRRMC
Labinglima ang naitalang nasawi dahil sa mga insidenteng naitala nitong nakalipas na paggunita ng Holy Week.
Ayon sa datos mula sa National Disaster Risk Reduction and Management Council (NDRRMC) sa 15 naitalang nasawi, 7 ang kumpirmado na habang 8 naman ang patuloy pa ang validation.
May naitala ding 33 nasugatan sa iba’t ibang mga insidenteng naitala.
Karamihan sa mga nasawi ay dahil sa pagkalunod kung saan nakapagtala ang NDRRMC ng 9 na drowning incidents.
Habang ang iba naman ay nasawi dahil sa aksidente. Ayon sa NDRRMC sa kasagsagan ng Holy Week ay may naitalang 5 vehicular accidents. (DDC)
