1 patay, 3 sugatan sa nasunog na barko sa Talisay City, Cebu

Isang barko ang nasunog habang nakadaong sa baybayin ng Talisay City sa Cebu.

Rumesponde ang mga tauhan gn Philippine Coast Guard (PCG) sa sunog na naganap sa M/V General Romulo na may lulang 20 crew.

Nangyari ang insidente bago mag alas 10:00 ng umaga ngaong Linggo, Apr. 17 habang naghihintay ng clearance ang barko para makadaong sa Cebu City Port.

Mabilis na nakapagsagawa ang Coast Guard Sub-Station (CGSS) Talisay ng medical evacuation sa mga crew ng barko.

Pero ayon sa Coast Guard, nakapagtala ng isang nasawi at tatlong sugatan sa insidente.

Patuloy pa ang imbestigasyon sa kung ano ang dahilan ng pagsiklab ng apoy. (DDC)