DepEd nagdeklara ng half-day ngayong araw; pasok sa DepEd offices at mga paaralan hanggang 12NN lang
Half-day lang ang pasok sa mga tanggapan ng Department of Education (DepEd) at mga eskwelahan ngayong araw, April 13, 2022.
Sa inilabas na DepEd Memorandum No. 31 ni Sec. Leonor Briones, suspendido na ang pasok sa mga tanggapan ng DepEd at sa mga paaralan pagsapit ng 12:00 ng tanghali.
Layon nitong mabigyang pagkakataon ang mga DepEd officials at employees na makapaghanda para sa paggunita ng Semana Santa.
Maari kasing may mga DepEd personnel na kailangan pang bumiyahe pauwi sa mga lalawigan.
Tiniyak naman ng DepEd na ang mga tanggapan na ang serbisyo ay may kaugnayan sa pag-deliver ng emergency services at response ay kailangang handa pa ring mag-serbisyo kung kakailanganin. (DDC)
