Teacher at kaniyang asawa patay sa pamamaril ng principal sa Negros Occidental; suspek nagbaril ng sarili

Tatlo ang nasawi sa insidente ng pamamaril sa bayan ng Hinoba-an sa Negros Occidental.

Sa imbestigasyon ng pulisya, binaril ng suspek na si Warren Escosar, 55 anyos ang guro na si Alvarisa Arroy at kaniyang asawang si Christoper.

Si Escosar ay school principal sa Bilbao-Uybico National High School at nangyari ang pamamaril sa nasabing paaralan.

Sinabi ni Police Maj. John Ganzon, matapos ang krimen ay nagbaril sa sarili si Escosar.

Ayon kay Hinobaan Mayor Ernesto Estrao, inireklamo ni Alvarisa Arroy si Escosar sa 8888 hotline ng Office of the President dahil sa hindi nito magandang pamamalakad sa paaralan.

Nakatanggap ng notice si Escosar mula sa OP na labis na ikinagalit nito. (DDC)