Malakanyang nakatutok sa mga lugar na napinsala ng Bagyong Agaton
Nakatutok ang Palasyo ng Malakanyang sa mga lugar na naapektuhan ng Bagyong Agaton.
Ayon kay acting presidential spokesperson, Sec. Martin Andanar, nakikipag-ugnayan na ang National Disaster Risk Reduction and Management Council (NDRRMC) sa mga local disaster council para sa relief activities.
Nanawagan naman ang Palasyo sa publiko lalo na sa mga lugar na naapektuhan ng bagyo na magsagawa ng precautionary measures.
Ipinayo din ni Andanar ang palagiang pagbabasa at panood ng weather advisories.
Gayundin ang pakikipag-ugnayan sa mga otoridad para sa kinakailangang paglilikas. (DDC)
