Mahigit 80,000 pamilya naapektuhan ng Bagyong Agaton; 1 ang nasawi sa Davao Region ayon sa NDRRMC

Nakapagtala ng isang nasawi sa Davao Region dahil sa pananalasa ng Bagyong Agaton.

Ayon sa National Disaster Risk Reduction and Management Council (NDRRMC), mayroon ding naitalang dalawang nasugatan at isa ang nawawala.

Umabot naman sa 86,515 na pamilya o katumbas ng 136,390 na katao mula sa walong rehiyon sa bansa ang naapektuhan ng bagyo.

Sa nasabing bilang, mayroong 15,326 na katao ang kinailangang ilikas. Mahigit 13,000 sa kanila ay nasa mga evacuation center habang ang mahigit 2,000 ay maaring nanunuluyan sa kaanak.

Nakapagtala din ng 52 mga bahay ang nasira ng bagyo. (DDC)