Twitter account ng Pasig PIO napasok ng hacker

Kinumpirma ng Pasig City local government unit na napasok ng hacker ang official Twitter accoung ng Pasig Public Information Office.

Sa inilabas na pahayag, alas 10:00 ng gabi ng Sabado, Apr. 9 nang mangyari ang hacking kung saan may mga Tweet na nag-tag ng libu-libong Twitter accounts.

Humingi ng paumanhin ang Pasig LGU sa mga nai-tag at naabala dahil sa nangyari.

Umaga ngayong Linggo (Apr. 10) nang ma-regain ng Pasig PIO ang access sa Twitter account.

Tiniyak ng Pasig City PIO na gagawa ng mga hakbang para hindi na maulit ang kahalintulad na insidente. (DDC)