Dalawang pulis nasawi sa pananambang ng NPA sa Northern Samar

Dalawang pulis ang nasawi sa Las Navas, Northern Samar matapos tambangan ng mga miyembro ng New People’s Army.

Unang nagpaabot ng pakikiramay si PNP Chief, Police General Dionardo Carlos sa mga naulila ni Patrolman Harvie Lovino Jr, 30 anyos.

Si Lovino ay nakatalaga sa 1st Provincial Mobile Force Company.

Samantala, sa update mula kay PNP spokesperson Pol. Col. Jean Fajardo, sinabi nitong pumanaw din habang ginagamot sa ospital si Patrolman Rico Borja.

Pabalik ang dalawa sa police station matapos tumanggap ng kanilang booster shot nang sila ay tambangan noong April 4, 2022.

Maliban sa dalawang pulis na nasawi, nasugatan din sa insidente ang mga miyembro ng Armed Forces of the Philippines na Corporal Arvin Papong, Private First Class Whilydel Jic Rodona, at Private First Class Wilmer Del Monte.

Nagsasagawa na ng province-wide pursuit operation para mahuli ang mga suspek sa pananambang. (DDC)