Resulta ng 2020-2021 Bar Examinations ilalabas na ng SC
Nalalapit nang ilabas ang resulta ng 2020-2021 Bar Examinations.
Sa inilabas na press briefer ng Supreme Court Public Information Office, hiniling na ni Bar Examinations Committee Chairperson Associate Justice Marvic Leonen na makapagsagawa ng special En Banc session sa Martes, April 12.
Ito ay para maikunsidera ang kaniyang report hinggil kauna-unahang digitalized at regionalized Bar Examinations at sa pagpapalabas ng resulta nito sa nasabing petsa.
Ayon sa SC, ang oath-taking para sa mga makapapasa sa bar ay itinakda sa May 2, 2022. (DDC)
