Pagbabakuna sa Valenzuela City sususpendihin sa Semana Santa
Ititigil pansamantala ang pagbabakuna sa Valenzuela City sa Semana Santa.
Sa abiso ng Valenzuela City Local Government Unit, upang bigyang daan ang paggunita ng Semana Santa (Holy Week), pansamantalang isasara ang lahat ng mga vaccination site sa lungsod simula Abril 14 hanggang Abril 17, 2022.
Para sa mga nakatakdang tumanggap ng kanilang 2nd dose sa nasabing mga petsa, maari silang magtungo sa vaccination sites mula April 18 hanggang 21, 2022.
Paalala ng lokal na pamahalaan, dalhin ang ValTrace QR Code, Vaccination Card at iba pang kailangan para sa mga tatanggap ng second dose. (DDC)
