Mga pantalan sa bansa handa na sa pagdagsa ng mga pasahero

Handa na ang mga pantalan sa bansa sa pagdagsa ng mga turista at mga magsisiuwian sa lalawigan ngayong summer at sa panahon ng Semana Santa.

Ayon sa Philippine Ports Authority (PPA), inaasahang sasamantalahin ng mga locals at mga turista ang pagkakataon na makauwi at makasama ang kanilang mga mahal sa buhay at saglit na makapagpahinga.

Ito rin ang unang pagkakataon sa nakalipas na dalawang taon na malayang makabibiyahe ang publiko nang walang ipinatutupad na travel restrictions dahil sa pandemya.

Ayon sa PPA, 100% nang handa ang mga daungan para magbigay ng mas maayos at mas magandang serbisyo-publiko.

Ilan sa mga daungan sa pansa ay naisailalim din sa rehabilitasyon at expansion noong kasagsagan ng pandemya upang matiyak ang mas maginhawang biyahe ng mga pasahero.

Siniguro din ng PPA na handa ang kanilang mga tauhan para magbigay serbisyo at seguridad sa mga bibiyaheng pasahero. (DDC)