Bilang ng mga naapektuhan ng pag-aalburuto ng Bulkang Taal umakyat na sa mahigit 6,000 – NDRRMC
Umabot na sa mahigit 6,000 katao ang naapektuhan ng muling pag-aalburuto ng Bulkang Taal.
Ayon sa datos ng National Disaster Risk Reduction and Management Council (NDRRMC), kabuuang 1,823 na pamilya o katumbas ng 6,568 na katao ang naapektuhan mula sa 17 barangay sa 20 munisipalidad sa Batangas.
Mayroon pang 5,925 na katao ang pansamantalang nananatili sa 19 evacuation centers.
Wala namang napaulat na nasaktan o nasawi dahil sa pag-aalburuto ng bulkan. (DDC)
