246 new COVID-19 cases naitala sa bansa; pinakamababa ngayong taon

Naitala kahapon, March 29 ang pinakamababang daily COVID-19 case tally ngayong taon.

Ayon sa datos, umabot lamang sa 246 ang naitalang new COVID-19 infections sa bansa dahilan para lumobo na sa 3,677,616 ang kabuuang bilang ng mga tinamaan ng COVID-19 sa bansa.

Sa pinakahuling datos mula sa Department of Health (DOH), mayroong 41,145 na active cases ng COVID-19.

Umakyat naman sa 3,577,433 ang mga pasyente na gumaling sa sakit habang sumampa na sa 59,038 ang kabuuang bilang ng mga nasawi.

Samantala, 24.64% ng intensive care unit o ICU beds para sa COVID-19 patients sa buong bansa ang okupado.

22.04% naman ng isolation beds ang utilized, habang 13.66% ng ward beds ang ginagamit. (Infinite Radio Calbayog)