Palawan uulanin ngayong araw dahil sa LPA

Patuloy na makararanas ng pag-ulan ngayong araw sa Palawan dahil sa binabantayang Low Pressure Area (LPA) ng PAGASA.

Ang LPA ay huling namataan sa layong 95 kilometers Southeast ng Puerto Princesa City, Palawan.

Dahil sa LPA, makararanas ng maulap na papawirin na may kalat-kalat na pag-ulan at thunderstorms sa buong Palawan.

Babala ng PAGASA maaring makaranas ng flashfloods o landslides dahil sa mahina hanggang sa katamtaman at kung minsan ay malakas na buhos ng ulan na mararanasan.

Easterlies naman ang iiral sa Metro Manila at nalalabi pang bahagi ng bansa. (DDC)