Pangulong Duterte nakipagpulong kay BBM

Kinumpirma ni Senator Bong Go na nakipagpulong kay presidential aspirant Ferdinand “Bongbong” Marcos Jr. si Pangulong Rodrigo Duterte.

Ayon kay Go, nangyari ang pulong ilang araw bago inanunsyo ng PDP-Laban Cusi wing na si Marcos ang kanilang ieendorsong kandidato para sa 2022 elections.

Inilarawan ni Go na produktibo ang naging pulong sa pagitan nina Pangulong Duterte at BBM.

Ibinahagi aniya ng pangulo kay Marcos ang mga karanasan nito bilang outgoing president ng bansa.

Nagbigay din aniya ng kaunting payo ang pangulo sa mga ginawa nito para sa bansa.

Inamin din ni Go na maaring ang nasabing pulong ang isa sa mga naging daan para iendorso ng PDP-Laban Cusi wing ang kandidatura ni Marcos. (DDC)