Calayan, Cagayan niyanig ng magnitude 5.1 na lindol

Tumama ang magnitude 5.1 na lindol sa lalawigan ng Cagayan.

Naitala ng Phivolcs ang pagyanig sa layong 46 kilometers northeast ng Camiguin Island sa Calayan, 8:02 ng gabi ng Miyerkules, (Mar. 23).

May lalim na 20 kilometers ang lindol at tectonic ang origin.

Naitala ang sumusunod na Instrumental Intensities:

– Intensity III – Gonzaga, Cagayan
– Intensity II – Claveria, Cagayan at Pasuquin, Ilocos Norte
– Intensity I – Laoag City, Ilocos Norte

Ayon sa Phivolcs, maaring magdulot ng aftershocks ang nasabing lindol. (DDC)