MRT-3 magbibigay ng isang libreng sakay sa loob ng isang buwan

Libreng makasasakay ang mga pasahero sa Metro Rail Transit (MRT-3) sa loob ng isang buwan.

Inanunsyo nina Pangulong Rodrigo Duterte at Department of Transportation (DOTr) Secretary Art Tugade na magbibigay ng libreng sakay ang MRT-3 simula March 28 hanggang sa April 30.

Ang anunsyo ay ginawa ng pangulo at ni Tugade sa isinagawang inagurasyon sa MRT-3 Rehabilitation Project sa Shaw Boulevard Station, Mandaluyong City.

Ayon sa DOTr, matapos ang matagumpay na massive rehabilitation, naiwasan na ang mga nararanasang breakdowns, unloading incidents, service line interruptions, at derailment incident.

Nagpasalamat naman ang pangulo sa pamahalaan ng Japan sa tulong nito upang maisakatuparan ang rehabilitasyon. (DDC)