2021 licensure exams para sa Mechanical Engineers at Certified Plant Mechanics sa Agosto na lamang gagawin – PRC
Ipinagpaliban ng Professional Regulation Commission (PRC) ang nakatakdang licensure examinations para sa Mechanical Engineers at Certified Plant Mechanics.
Ang pagsusulit ay isasagawa dapat sa February 27 at 28.
Pero ayon sa PRC, dahil sa mga hindi inaasahang pangyayari, itinakda na lamang itong gawin sa August 15 at 16.
Kabilang sa dahilan ang pinalawig pang community quarantines dahil sa COVID-19 pandemic.
Layon din nitong matiyak ang pagiging ligtas ng lahat ng examinees at examination personnel. (D. Cargullo)
