100 percent participation sa Earth Hour target ng Baguio City
Tatargetin ng Baguio City na magkaroon ng 100 percent participation sa Earth Hour na gaganapin sa March 26 alas 8:30 ng gabi.
Hinikayat ni Baguio City Mayor Benjamin Magalong ang mga residente, kasama ang mga business owners na makiisa sa Earth Hour at magpatay ng ilaw sa nasabing petsa at oras.
Ayon kay Magalong, malaking bagay ang aktibidad lalo ngayong nakararanas ng fuel crisis at patuloy ang banta ng environmental destruction sa bansa.
“This is a worthwhile activity considering the current fuel crisis and the continuing environmental destruction that threatens us. We all have to do our part to take care of nature,” ayon sa alkalde.
Sa nakalipas na mga taon, suportado ng city government ang nasabing aktibidad at nagdaraos pa ng sariling programa. (DDC)
