Kit Thompson naisailalim na sa inquest proceedings
Naisailalim na sa inquest proceedings ang aktor na si Kit Thompson maapos ang pananakit sa aktres na si Ana Jalandoni.
Ayon sa Philippine National Police (PNP) isinampa ang reklamong paglabag sa Section 5 (a) ng Republic Act 9262 or the Anti-Violence against Women and Children Act laban kay Thompson sa Tagaytay City Prosecutors Office.
Sinabi ni PNP chief, Gen. Dionardo Carlos na hihintayin na lamang ang magiging pasya ng prosekusyon base sa mga ebidensyang inihain ng PNP.
Sa inisyal na imbestigasyon ng PNP, nag-check in sa hotel sa Tagaytay sina Jalandoni at Thompson at nagkaroon ng pagtataloo.
Doon na sinaktan ni Thompson si Jalandoni na nagtamo ng pinsala sa iba’t ibang parte ng kaniyang katawan. (DDC)
