Dalawang mataas na opisyal ng NPA nasawi sa engkwentro sa Samar
Dalawang matataas na opisyal ng New People’s Army (NPA) ang napaslang makaraang makipagbakbakan sa tropa ng pamahalaan, sa Jiabong, Samar.
Nasawi sa engkwentro si Kumander Butil o Amado Adelantar, na kilala rin bilang Ka Boy o Ka Bambi.
Si Adelantar ang umano’y namuno sa Dalogdog Platoon noong kanyang kabataan at mayroong 2.9 million pesos na patong sa ulo.
Samantala, patay din sa sagupaan ang asawa ni Adelantar na si Ka Cedang o Ka Mely, na Maria Norie Adelantar sa tunay na buhay, at umano’y finance officer ng SRC Browser.
Nakatanggap ng impormasyon ang PNP na may presensya ng armadong grupo sa Brgy. Alejandria sa Jiabong, kaya nagtungo sa lugar ang mga pulis at militar.
Agad naman umanong nagpaputok ang mga suspek kaya napilitan ang mga otoridad na gumati at nagresulta sa pagkamatay ng mag-asawang rebelde. (LSR / Infinite Radio Calbayog)
