Pinakamataas na Heat Index ngayong taon naitala sa Dagupan City kahapon

Naitala sa Dagupan City, Pangasinan ang pinakamataas na Heat Index ngayong taon na umabot sa 53 degrees Celsius.

Ayon sa PAGASA, naitala ito araw ng Huwebes, March 17 alas 5:00 ng hapon.

Ang 52 degrees Celsius pataas na Heat Index ay maituturing nang “Extreme Danger” ayon sa PAGASA.

Ang ganito kataas na Heat Index ayon sa weather bureau ay maari nang magdulot ng heat stroke.

Samantala, dalawa pang lugar sa bansa ang nakapagtala ng “danger” level ng Heat Index kahapon.

Ito ay ang Muñoz, Nueva Ecija (42 degrees Celsius at ang Daet, Camarines Norte (43 degrees Celsius). (DDC)