DFA target makapagproseso ng 11,000 passport applications kada araw

Target ng Department of Foreign Affairs (DFA) na makapagproseso ng mahigit 11,000 passport applications kada araw.

Kasunod ito ng pagbubukas na muli ng walk-ins para sa Courtesl Lane sa lahat ng DFA Consular Offices sa bansa.

Ayon sa DFA, inaasahang malalampasan pa ang 11,000 na daily average sa passport processing noong bago magkaroon ng pandemya.

Noong March 16, unang araw ng pagbabalik ng walk-ins para sa Courtesy Lane ay umabot sa 10,498 na aplikasyon ang naiproseso.

Magugunitang dumami ang backlog sa passport renewal at bagong aplikasyon nang magpatupad ng limitasyon sa bilang ng mga taong papayagang makapasok sa DFA Consular Offices dahil sa COVID-19 pandemic. (DDC)