Courtesy lanes sa lahat ng consular office ng DFA bubuksan na simula bukas, March 16

Bubuksan na para walk-in ang courtesy lane sa lahat ng consular offices ng Department of Foreign Affairs (DFA).

Kasunod ito ng utos ni Foreign Affairs Sec. Teodoro Loacsin Jr. na buksan ang courtesy lanes hindi lamang sa Aseana office ng DFA kundi sa lahat ng consular office nito.

Simula bukas, araw ng Miyerkules, March 16 ay puwede nang mag-walk in sa mga courtesy lanes ng DFA ang mga nais mag-asikaso ng kanilang passport.

Tanging mga fully-vaccinated lamang ang ia-accommodate sa courtesy lane.

Kabilang sa maaring gumamit ng courtesy lane ang mga sumusunod:

– senior citizens
– buntis
– solo parents
– PWDs
– batang edad 7 pababa
– OFWs

Ang mga Temporary off sites (TOPS) na binuksan ng DFA ay walang courtesy lanes. (DDC)