2 Korean national na pineke ang kasal sa 2 Pinay isinailalim sa blacklist ng BI
Dahil sa pamemeke ng kanilang kasal sa dalawang Pinay, isinailalim sa blacklist ng Bureau of Immigration ang dalawang Korean nationals.
Hinarang ang dalawang South Korean nang magtangka silang pumasok sa bansa sa pamamagitan ng Mactan-Cebu International Airport (MCIA).
Bitbit ng dalawa ang pekeng marriage certificates.
Ayon kay BI Commissioner Jaime Morente hindi na muli papayagang pumasok sa bansa sina Shin Bumsik at Woo Jungje.
“Don’t trick our officers by presenting bogus marriage certificates because that will not work. You will be turned back to where you came from and can no longer return to our country,” ani Morente.
Dumating Mactan Airport ang dalawang dayuhan noong August 17 galing Seoul.
Kapwa mayroong tourist visa ang dalawa at nagpakita ng marriage certificates para patunayang may asawa silang Pinay.
