2 barangay at 2 hotel sa Maynila sasailalim sa apat na araw na lockdown
Sasailalim sa apat na araw na lockdown ang Brgy. 351, San Lazaro, Tayuman at Brgy. 725 Malate sa Maynila.
Kabilang din sa sasailalim sa lockdown ay ang Malate Bayview Mansion at Hop Inn Hotel sa Maynila.
Ito ay dahil sa mataas na kaso ng COVID-19.
Ayon kay Manila Mayor Isko Moreno ang Bayview Mansion at Ho Inn Hotel ay mayroong 17 kaso.
Ang Brgy. 351 naman ay may 12 kaso habang ang Brgy. 725 ay may 14 na kaso.
Sisimulan ang pag-iral ng lockdown 12:01AM ng March 11 hanggang 11:59 PM ng March 14.
Exempted naman sa lockdown ang mga healthcare worker, police at military personnel, government employees, service workers, barangay officials, at media practitioners na accredited ng PCOO at IATF.
