Dating US President Barrack Obama nagpositibo sa COVID-19
Positibo sa COVID-19 si dating US President Barrack Obama.
Sa kaniyang official Twitter account sinabi ni Obama na ilang araw na siyang nakararanas ng pangangati ng lalamunan.
Maliban sa nasabing sintomas ay maayos naman ang kaniyang kondisyon.
Si dating first lady Michelle Obama naman aniya ay nag-negatibo sa test.
Ayon kay Obama kapwa sila bakunado kontra COVID-19 at nakatanggap na din ng booster shot.
Pinaalalahanan naman ni Obama ang mga mamamayan sa Amerika na magpabakuna na kontra COVID-19 kahit pa bumababa na ang kaso ng sakit. (DDC)
