Halos 70 kilo ng illegally dressed chickens nakumpiska sa Antipolo
Aabot sa halos 70 kilo ng illegally dressed chickens ang nakumpiska at na-dispose ng City Veterinary Office ng Antipolo City.
Ayon sa Antipolo City LGU, nabisto ang mga ilegal na karne ng manok makaraang walang maipakitang Meat Inspection Certificate ang isang vendor habang nagsasagawa ng Post Abattoir Inspection sa City Mall of Antipolo (CMA) ang City Veterinary Office (CVO).
Napag-alaman na ang mga nasabing karne ay nagmula sa Commonwealth, Quezon City.
Ayon sa CVO, delikado ang nasabing mga karne dahil walang kasiguruhan na dumaan ang mga ito sa tamang pagkatay, handling, storage at kung fit ba ito for human consumption. (DDC)
