Petro Gazz may rollback sa presyo ng diesel at gasolina hanggang sa March 13

Sa gitna ng inaasahang panibagong malakihang taas-presyo sa mga produktong petrolyo sa susunod na linggo, nagpatupad naman ang Petro Gazz ng price rollback sa kanilang diesel at gasolina.

Sa advisory, inanunsyo ng Petro Gazz na magro-rollback ang kanilang mga istasyon sa buong bansa ng P5.85 sa kada litro ng diesel habang P3.60 per liter sa gasolina, epektibo ngayong Huwebes, March 10 hanggang Linggo, March 13.

Nagsimula na ang price adjustments ng fuel company 6:00 ng umaga.

Ayon sa Petro Gazz, layunin ng rollback na ma-minimize ang impact sa mga motorista dahil isa na namang malakihang oil price hike ang inaasahan sa susunod na linggo.

Sa monitoring ng oil trading, as of March 7, posibleng sumirit ang presyo ng diesel sa P12.72 per liter habang P8.28 sa gasolina. (Infinite Radio Calbayog)