Publiko hinimok na makiisa sa Online National Simultaneous Earthquake Drill
Magsasagawa ng kauna-unahang Online National National Simultaneous Earthquake Drill sa bansa.
Ayon sa Metropolitan Manila Development Authority (MMDA), idaraos ang First Quarter Online Nationwide Simultaneous Earthquake Drill (NSED) bukas araw ng Huwebes, ika-10 ng Marso, alas 9:00 ng umaga.
Ang aktibidad ay pangungunahan ng Office of the Civil Defense para sa patuloy na pagpapalakas ng kahandaan ng lahat sa lindol sa pamamagitan ng regular na pagsasagawa ng drill.
Maaring magtungo sa Civil Defense PH at NDRRMC Facebook pages para sa ceremonial pressing of the button ng earthquake drill at sa iba pang detalye. (DDC)
