Mahigit 38,000 na kababaihan naserbisyuhan ng libreng sakay sa MRT-3

Umabot sa mahigit 38,000 na kababaihan ang naserbisyuhan ng libreng sakay sa MRT-3 sa paggunita ng Araw ng mga Kababaihan noong March 8, 2022.

Ayon sa datos ng MRT-3, sa inihandog nilang libreng sakay, umabot sa 38,445 na kababaihan ang naserbisyuhan.

May kabuuang 18,209 na kababaihan ang nakalibre ng pamasahe mula ika-7:00 hanggang ika-9:00 ng umaga kahapon, habang umabot sa 20,236 ang nakatanggap ng libreng sakay mula ika-5:00 hanggang ika-7:00 ng gabi.

Ang libreng sakay ng MRT-3 para sa mga kababaihan ay bilang pagkilala at pasasalamat ng pamunuan ng linya sa natatanging kontribusyon ng mga ito sa lipunan. (DDC)