TINGNAN: Kauna-unahang ‘Smart Carts’ inilunsad sa isang supermarket sa Las Piñas City
Magagamit na sa isang supermarket sa Las Piñas City ang ‘Smart Carts’ na kauna-unahan sa bansa.
Sa kaniyang Facebook post, ipinasilip ni dating Senador Manny Villar ang mga ‘smart carts’ na magagamit ng mga customer sa AllDay Supermarket sa Evia Lifestyle Center sa Las Piñas.
Gamit ang ‘smart carts’, maaari nang i-scan ng mga customer ang kanilang napiling produkto para makita ang ‘running total’ ng kanilang mga nabili.
Puwede na ring bayaran ang kabuuan ng napamili sa pamamagitan ng Self Checkout Counter o puwede rin sa cashier. (DDC)
