63.7 million na katao fully-vaccinated na kontra COVID-19
Umabot na sa mahigit 63.7 million ang fully-vaccinated na laban sa COVID-19.
Ayon sa datos na iprinisinta ni acting presidential spokesperson at PCOO Sec. Martin Andanar, umabot na sa 137,085,697 ang total doses administered sa bansa.
Sa nagpapatuloy na vaccination program ng pamahalaan, 69,229,939 na katao na ang nabakunahan na ng first dose o 77.56 percent ng target population.
63,793,957 sa kanila ang fully-vaccinated kontra COVID-19 o 71.47 percent ng target population.
Habang mayroong 10,616,590 ang nakatanggap na ng booster dose. (DDC)
