Courtesy lane sa DFA Aseana tatanggap na ng walk-in simula sa March 14

Simula March 14 ay tatanggap na ng walk-ins para sa courtesy lane sa Department of Foreign Affairs (DFA) Aseana Bldg.

Simula ng magkaroon ng pandemya ng COVID-19 ay kinansela ng DFA ang walk-ins para sa courtesy lane kaya kahit ang mga senior citizen ay kailangang magpa-schedule ng appointment.

Ayon sa DFA-OCA sisimulan muna sa Aseana Bldg. ang pagbabalik ng courtesy lane at mula 1pm hanggang 5pm muna.

Kwalipikado para pumila sa courtesy lane ang mga senior citizen at ang kasama nilang immediate family member, PWDs, at immediate family member, buntis,
7 yrs old and below at kanilang legal guardian, solo parent at OFWs.

Hanggang sa ngayon ay may backlog pa rin sa passport renewal ng DFA at marami pa ring hirap makakuha ng appointment. (DDC)